Viti i Ri sapo kaloi dhe pula e detit me siguri ishte ushqimi më i blerë dhe i konsumuar! Por sa do të shpenzonit ju për këtë ushqim? A ju ka shkuar në mendje se një e tillë mund të kushtojë sa vlera e një makine? Mos u habisni për këtë që po themi, pasi ekziston një pulë që ka vërtetë një vlerë të tillë.
Lloji i pulave “Ayam Cemani” dallohet, sepse ato janë të zeza si në pjesën e jashtme ashtu edhe në atë të brendshme.
Puplat e tyre janë të zeza, sqepat, kthetrat, madje edhe mishi, eshtrat dhe të gjitha organet e brendshme janë të tilla. I vetmi element jo i zi i këtyre shpendëve është gjaku.
Vetëm një pulë “Ayam Cemani” arrin çmimin deri në 2.500 dollarë. Dana Cowin, kryeredaktorja e “Food & Wine”, shprehet se kjo pulë kushton kaq shumë, “sepse është shumë elegante, e gjitha e zezë. Pupla e saj janë të zeza. Organet e saj janë të zeza. Mishi i saj është i zi. Kështu që është shumë e veçantë, është një pulë e një race të rrallë”. Pula ka marrë emrin e një fshati (Cemani) në ishullin Java, në Indonezi.
Për ngjyrën e zezë merita është e një tipari gjenetik i njohur si “fibromelanosis”, që është karakteristikë e “Chinese Silkie”, një lloj pule e zezë, tepër e çmuar në Kinë.
