10 vite më parë, aktori Elvis Pupa u largua nga emisioni i humorit “Portokalli”, për t’u shpërngulur në Shtetet e Bashkuara të Amerikës. Edhe përse u rikthye në Shqipëri, ai zgjodhi të ishte pjesë e “Digitalb” me një emision të ri humori dhe nisi i vetëm rrugëtimin e tij në ekran.
Mirëpo mësohet nga “revistawho.com” se këtë sezon të ri televiziv, Elvis Pupën e gjen pikërisht në shtëpinë e tij të vjetër, në “Portokalli”. Aktori ka vendosur të jetë sërish pjesë e spektaklit, ku hodhi hapat e parë të karrierës.
Ende nuk dihet se cili do të jetë roli i tij në emision dhe nëse do të kemi një rikthim të personazheve të vjetra, por mezi presim ta mësojmë gjatë muajit tetor. Elvis Pupa u bë i njohur falë roleve të tij si ‘Nini i Bules’ ‘Zhan Klod Van Damme Sula’, ‘Avdiu’ etj.
