Për shumë femra, dita e tyre e dasmës është një event që kërkon një plan të përpiktë dhe përgatitje intensive.
Kjo është ndoshta arsyeja se pse kjo foto e nuses Bisola Umoren, nga Nigeria, mori vëmendjen e të gjithë internetit.
Umoren shkoi pa makijazh në ditën e saj të dasmës, me arsyen se ajo “nuk është tipi i makijazhit”.
Fotografia e mrekullueshme e nuses u publikua në “Twitter”, ndërsa është ripublikuar më pas 1200 herë.
Duke shpjeguar përse kishte bërë këtë zgjedhje, Umoren deklaroi për “Daily Mail”: “Isha natyrale kur u njoha fillimisht me bashkëshortin. Ai u dashurua me mua dhe pamjen time në atë moment, ashtu si isha. Nuk më pëlqejnë gjërat që më bëjnë të ndihem në siklet!”
Zgjedhja e Umoren është në linjë me lëvizjen e re që fuqizon pamjen natyrale pa make-up. Së fundmi Alicia Keys ishte këngëtarja që theu tabutë në MTV Video Music Awards duke u shfaq “ujë dhe sapun” në natën më të rëndësishme të muzikës, ndërsa iniciativën e saj e ka mbështetur edhe Adele më herët.
Burimi: Daily Mail
