Meghan Markle nuk fle me babain e saj prej kohësh, por kjo gjë mund të ndryshojë nëse Thomas Markle vendos të hedhë në gjyq vajzën e tij. Babai i Meghan është shprehur se dëshiron që të njihet me nipin dhe mbesën e tij dhe se do e hedh në gjyq Meghan për këtë çështje.
“Do të bëj kërkesë në gjykatat e Kalifornisë për të drejtën time për të takuar nipin dhe mbesën time në të ardhmen e afërt”, është shprehur Thomas Markle.
Ai është shprehur i shqetësuar për nipin e tij, Archie Harrison dhe mbesën Lilibet Diana, duke thënë se Meghan dhe Princi Harry kanë treguar sjellje të keqe në çështjen e tyre me familjen mbretërore.
“Archie dhe Lili janë fëmijë të vegjël. Nuk janë të përfshirë në politikë. Ata nuk janë gur shahu. Nuk janë pjesë e lojës. Dhe ata janë gjithashtu pjesë e mbretërisë dhe kanë të drejta njësoj si pjesëtarët e tjerë”, ka thënë babai i Meghan.
Më herët në intervistën për Oprah Winfrey, Meghan tha se i intereson shumë babi i saj, por nuk e kupton pse ai punon me të njëjtat media që ajo nuk i beson.
“Shikoj Archie, mendoj për fëmijën dhe them ‘nuk mund ta imagjinoj t’i bëj një gjë me qëllim dhe t’i shkaktoj dhimbje fëmijës tim’. Nuk mund ta imagjinoj. Kështu që është e vështirë për mua të pajtohem me këtë gjë”, u shpreh Meghan.
