Pas natës së të shtunës, akrepat e orës shkuan një orë prapa, pra ora 03:00 do të jetë ora 02:00 pas mesnate. Me ndryshimin e orës, tani do të shijojmë më pak dritë, por të paktën ditët e para të kohës diellore, do të duken si një orë shtesë e gjumit. Të gjithëve na bën më të lumtur 1 orë gjumë më shumë, por kjo mund të jetë hera e fundit. Në prill vendet europiane duhet të vendosin nëse do e mbajnë apo do e heqin ndryshimin e orës.
Prë të vendosur nëse duhet mbajtur apo jo, duhet të kuptoni se cilat janë avantazhet e ndërrimit të orës. Në Itali një kompani që administron rrjetin kombëtar të energjisë elektrike, Terna, ka mbeldhur disa të dhëna sipas të cilave në 7 muajt e kohës së verës (nga marsi i kaluar 2020 deri në tetor 2020), shteti fqinj kurseu një total 400 milion kilovat orë energji elektrike, e barabartë me mesataren e konsumit vjetor të afërsisht 150 mijë familjeve, me një përfitim ekonomik për sistemin prej 66 milion eurosh. Nga viti 2004 deri në vitin 2020, kursimet arritën në 1 miliard e 720 milion euro.
Kursimet ekonomike llogariten duke marrë parasysh faktin se këtë vit, gjatë periudhës kohore të verës, kostoja e mesatares kilovat orë për klient (sipas të dhënave të Arera) ishte rreth 16.5 euro.
Kjo nuk është e gjitha, sipas Terna ka edhe një përfitim për sa i përket qëndrueshmërisë mjedisore. Kursimi i vlerësuar është 205 mijë tonë dioksid karboni. Shpjegimi është se me kohën e kursimit të ditës, ju fitoni 60 minuta dritë natyrore pasdite dhe për këtë arsye shmangni përdorimin e ndriçimit artificial. Kjo nuk ndodh në muajt e dimrit, prandaj koha e kursimit të ditës ndodh në muajt e ngrohtë dhe kthehet në kohën diellore në tetor.
Ata që janë pro heqjes së kohës së verës, nga ana tjetër, argumentojnë se përfitimet ekonomike janë mjaft të ulëta. Në fakt, një studim nga Parlamenti Evropian raportoi se koha e verës do të kursente vetëm 0.34% të energjisë së konsumuar në Evropë. Sidoqoftë, ka dallime të konsiderueshme midis vendeve në veri dhe në jug të kontinentit. Në jug të kontinentit përfitimi është më i madh sepse mund të mbështeteni në më shumë orë dritë natyrore.
