1 kromozom tepër shkakton sindromën Down që ndikon në vonesat në zhvillimin mendor dhe fizik të një fëmije, por në asnjë lloj mënyre në zhvillimin e potencialin e tyre si gjithë bashkëmoshatrët. Deri më sot koha ka treguar se sindroma Down nuk kurohet, por kjo gjë nuk i bën ndryshe nga të tjerët fëmijët me këtë sindromë.
Tetori njihet si muaji i ndërgjegjësimit për fëmijët me sindormën down dhe “Euronews Albania” ka sjellë historinë e jashtëzakonshme të një vajze 11-vjeçare, Belkisa Pillati, të prekur nga kjo sindromë.
Një fëmijë me sindormën Down mund të angazhodhte në aktivitete njësoj si gjithë të tjerët dhe nëna e Belkisës e ka dëshmuar më së miri këtë gjë. Ajo ka treguar se e bija përveçse ndjek shkollën, shkon në kurse të ndryshme gjatë javës për të qenë sa më aktive.
“Një ditë ka kursin e pianos, baletin dhe terapitë, të mos jetë pasive duke ndenjur në shtëpi para televizorit. Ajo që ne duam tani është jeta sociale, është që ajo të përshtatet me të gjithë jo vetëm me personat e shtëpisë, por me çdo person tjetër në marrëdhënien që mund të ketë”, ka treguar Enkeleda Pillati për “Euronews Albania”.
Megjithatë kjo pjesë e jetës shoqërohet me sfida të shumta shpirtërore, sepse jo të gjithë arrijnë t’i kuptojnë këta fëmijë e shpesh nuk mungojnë as paragjykimet.
“Duhet të pranojmë një realitet që jo të gjithë janë pro edhe vetë prindërit, që mund të kenë një shok ose shoqe që mund të ketë sindromën down. Pavarësisht se Belkisa është sociale me të tjerët, por i has vështirësi të tilla kudo”, është shprehur Enkeleda.
Ajo ka treguar se në fillim ishte tronditëse për të kur mësoi për sindromën e vajzës, por sot gjithë familja nidhet me fat për ardhjen në ketë të Belkisës.
“Në një moment që ti mund të jesh aq shumë e lodhur, aq shumë e mërzitur, aq shumë sfida ka marrë gjatë ditës, problematika, vetëm fjala kur thotë, ma të dua shumë çfarë ke, domethënë është çlodhje totale”, ka thënë nëna e 11-vjeçares.
