Nëse nuk do të ishte një faqe kaq serioze, të gjithë do të mendonim si ishte e gjitha një shaka. Barku i saj i tonifikuar na bënë të gjithë ziliqar, por nga ana tjetër fakti që modelja Sarah Stage është gjashtë muajshe shtatzënë, ka ngjallur kritika dhe shqetësim nga opinioni publik.
Modelja, Sarah Stage hasi të njëjtin reagim edhe me shtatzëninë e saj të parë dhe tani ka filluar t’ju përgjigjet komenteve negative.
“Kur je gjashtë muajshe shtatzënë, nuk ka vend për negativitet, kështu që ju lutem, çojeni diku tjetër. Fëmija im i dytë është i shëndetshëm dhe i formuar,” shkroi ajo.
Sarah bëri me dije që fëmija i saj i parë lindi i shëndetshëm dhe është në peshën ideale.
Ajo mendoi se “njerëzit do të ishin më të kuptueshëm gjatë kësaj shtatzënie dhe se do t’i mbanin komentet injorante për vete”.
Në një video të sajën ku shfaqej ajo që ushtrohej, komentuesit e kryqëzuan duke e quajtur të fiksuar me trupin dhe se duhej ta merrte më me qetësi shtatzëninë.
“Jam në një moment të jetës kur lumturia, paqja dhe gëzimi janë prioritetet e mia. Mendoj se pasi solla në jetë James, i cili lindi thuajse 4 kilogramë dhe i shëndetshëm, njerëzit duhet të ishin më të kuptueshëm gjatë kësaj shtatzënie dhe t’i mbanin komentet injorante për vete. Ne jemi të gjithë të ndryshëm dhe kjo na bën të veçantë dhe unik!”, shkruan ajo.
