Më herët ditën e sotme u raportua se Dua Lipa ka mbledhur emrat më të mëdhenj të muzikës për të bërë disa këngë remix që janë pjesë e albumit të saj më të fundit “Future Nostalgia”.
Këngëtarja ka njoftuar se bashkëpunimi i shumëpritur me Madonna-n dhe Missy Elliot do të publikohet më 14 gusht.
Por, kjo nuk është surpriza e vetme pasi, ajo do të sjellë edhe remix-in e këngëve të tjera nga albumi “Future Nostalgia”, me të tjerë artistë të njohur.
Në një prej këngëve ajo vjen në duet me The Blessed Madonna, ndërsa kënga do të publikohet më 21 gusht.
Në këngët e tjera, Duan do ta shohim në duet me Gween Stefani dhe Mark Ronson, të cilët do të sjellin remix-in e këngës më të fundit “Physical”.
https://www.instagram.com/p/CDfMM1LsSZz/?utm_source=ig_embed
Megjithatë, pak minuta më parë Dua i ka dhënë një tjetër ‘goditje’ rrjetit.
Ajo ka postuar në Instagram një foto me Miley Cyrus dhe Andrew Watt, nga studioja muzikore në Los Angeles. Watt është producent, kitarist dhe muzikant mjaft i njohur dhe bashkëpunëtor i ngushtë i Mileyt. Ai po ashtu ka punuar edhe me Duan, për realizimin e këngës “Break my heart”.
Kjo foto ka çmendur rrjetin dhe të gjithë po flasin për një super duet që do thyente çdo rekord.
https://www.instagram.com/p/CDhAwD2M-F9/?utm_source=ig_web_copy_link
Kujtojmë se Dua dhe Miley kanë një marrëdhënie shumë të mirë me njëra-tjetrën, madje shqiptarja e solli në Prishtinë vitin e kaluar në Sunny Hill Festival.
