Kjo ishte dëshira e fundit e Matthew Perry para se të vdiste

Ndarja e papritur nga jeta e aktorit Matthew Perry ka qenë kryefjalë e mediave ndërkombëtare këto ditë, një tronditje e thellë për gjithë adhuruesit e tij. E teksa autoritetet kanë nisur hetimet për zbardhjen e shkaqeve që çuan në vdekjen e Perry, familjarët kanë zbuluar dëshirat e tij të fundit para se të ‘mbyllte sytë’.

‘People’ shkruan se Perry donte të ndihmonte të tjerët që po luftonin me abuzimin me drogën përpara vdekjes së tij tragjike. Ylli i “Friends” planifikoi të krijonte një organizatë për të ndihmuar ata që vuanin nga problemet e abuzimit me substancat.

Lexo edhe :

Britania në mes të skandalit Mandelson: Policia bastis shtëpitë e ish-ministrit, i cili i kaloi informacione të ndjeshme Epsteinit

16:41 07/02/26

Dashuri apo status? E vërteta pas hipergamisë moderne

15:52 07/02/26

Në kujtimet e tij, ‘Friends’, ‘Lovers’ and ‘Big Terrible Thing’, Perry përshkroi problemet e tij të varësisë, duke shpjeguar se ai mori pjesë në rreth 6000 takime të Alkoolistëve Anonimë dhe shkoi në rehabilitim 15 herë.

Përveç kësaj, ai vlerësoi se shpenzoi rreth 9 milionë dollarë duke u përpjekur të çlirohej. Në vitin 2013, ai themeloi Perry’s House në rezidencën e tij në Malibu për burrat që vuanin nga alkoolizmi.

Aktori kishte përfunduar një program rehabilitimi 28-ditor në vitin 1997 për varësinë nga Vicodin dhe më pas një periudhë tjetër në rehabilitimin për opioidet (OxyContin) dhe varësinë ndaj alkoolit në 2001. Ai u shtrua përsëri në spital në 2002 dhe hyri në rehabilitim në Marina del Rey, Kaliforni.

Etiketa: Matthew Perry