Fotografitë me kafshë janë ndër më të preferuarat. Por kujdes se ato mund t’ju kushtojnë ndonjëherë profilet e mediave sociale. Një bloger tha se e gjithë prezenca e tij në rrjetet sociale u fshi, pasi postoi këtë foto.
Një imazh i një maceje tërësisht të pafajshme është ai që po mbyll llogaritë e shumë njerëzve. I pari që u përball me pasojat e kësaj fotografie, ishte specialisti indian i teknologjisë, Varun Krishnan.
“Mund të duket si budallallëk, por kjo sapo më ndodhi mua”, tha Krishnan, për “Mashable”.
Ai tregon më tej se si ndodhi e gjithë ngjarja: “Po flisja me një mikun tim, që më dërgoi imazhin e maces në “WhatsApp”, ishte kaq i lezetshëm sa vendosa t’ia dërgoja një miku. Ajo që ndodhi më pas ishte fikja e të gjitha aparaturave, që isha në shtëpi, që nga telefoni e deri tek kompjuteri. Më pas kuptova që llogaria ishte çaktivizur. Ata më hoqën përgjithmonë nga “Facebook”, brenda sekondat për një foto me mace”.
Një tjetër specialist nga uebsajti Techzei tha se ai ishte bllokuar, pasi postoi të njëjtin imazh. Nuk dihet ende se përse një pamje e tillë e zakontë shkakton kësi problemesh, megjithatë sipas disa komentuesve, njëra nga arsyet janë shkrimet në sfondin e fotografisë.
“Facebook” ndalon imazhet në qoftë se ato përmbajnë lakuriqësi apo përmbajtje të tjera të diskutueshme, por vendimet e tij shpesh kanë provokuar polemika.
Burimi: The Sun
