Modelja e famshme, që ka nisur karrierën e saj në moshën 14-vjeçare, acaroi fansat pas publikimit të një fotoje, që në pamje të parë duket shumë normale.
Pasi përfundoi së bashku me Gigi Hadid një set fotografik për koleksionin e fundit Pranverë/Verë 2018 të Stuart Weitzman, Kate Moss publikoi një prej fotove në “Instagram”.
Në foto shfaqet Kate teksa i ka ngulur sytë aparatit fotografik, ndërkohë që Gigi është mbuluar krejtësisht nga kamera dhe po të mos ishte për këmbët e saj nuk do ta vinim re që është aty.
Dhjetëra fansa kanë komentuar duke thënë se e gjitha kjo ishte një mënyrë që modelja 43-vjeçare të merrte të gjithë vëmendjen për vete.
Përderisa ajo ka postuar një foto të tillë ku duket sikur po tallet me kolegen e saj nuk tregon asgjë tjetër veçse një pasiguri të madhe.
“Je e pasjellshme dhe egoiste. Gigi ka postuar foto duke u shprehur se ishte krenare që punoi me ty, ndërsa ti nuk tregon as respektin më të vogël për ta shfaqur në foto”, ka qenë ky një koment i një fansi, ndërkohë që dhjetëra të tjerë kanë thënë se kjo është një sjellje tipike e Kate Moss.
Burimi: Daily Mail
