Katër vite më parë, dyshja shumë e dashur për publikun, Alban Skënderaj dhe Miriam Cani, u bënë prindër për herë të parë.
Këngëtarja solli në jetë vogëlushen Ameli, ndërsa tashmë është në pritje të ëmbël të fëmijës së dytë.
Ameli është gëzimi i tyre i parë, ndaj si Miriami, ashtu edhe Albani, i bëjnë shpesh dedikime speciale të voglës në rrjete sociale dhe duke i shprehur publikisht dashurinë e tyre të madhe.
Tashmë Ameli është kthyer në një zonjushë të vogël dhe duket se ka një lidhje të veçantë me të dy prindërit.
Pak më parë, Albani ka ndarë në profilin e tij në Instagram një foto me vogëlushen, të cilën po e mban në krahë.
Ata shfaqen duke buzëqeshur me të madhe me njëri-tjetrin, ndërsa Ameli i ka vendosur duart mbi fytyrë.
“E paçmueshme”- shkruan Albani për të bijën krahas fotos së ëmbël, duke e shoqëruar me emojin e një zemre.
Kujtojmë se Albani dhe Miriami ende nuk e kanë zbuluar gjininë e bebushit numër dy, ndërsa ne po presim me padurim të mësojmë të reja nga çifti!
