Nuk ka shumë kompani, të cilët këmbëngulin që stafi të fillojë të punojë çdo ditë në një orar të tillë kaq të çuditshëm, si Pivotal Software. Punonjësit e firmës me 20 zyra në të gjithë botën duhet të jenë në kompani dhe gati për të nisur punën saktësisht në orën 9:06. Pikërisht në këtë orë bie zilja dhe të gjithë punëtorët duhet të shkojnë në mbledhjen që zgjat mes 5-10 minuta.
Më pas programuesit e firmës shkojnë në kompjuterët e tyre apo në takime të tjera gjatë ditës.
Themeluesi i Pivotal dhe shefi ekzekutiv, Rob Mee thotë se kjo e bën ditën e punës më efikase.
“Kam kuptuar që programuesit, nëse i lë në pajisjet e tyre, fillojnë të punojnë rreth orës 10:00. Dhe nëse ata nuk kanë ngrënë mëngjesin siç duhet, do të jenë të uritur rreth orës 11:00, kështu që do t’u duhet të pushojnë për të ngrënë dhe kjo e zgjat pasditen. Por nuk është eficente. Kështu që menduam që të gjithë të hanë mëngjes fillimisht. Dhe kjo është arsyeja e këtij orari”, shpjegon Mee.
Të gjithë punonjësit hanë të lirë mëngjesin dhe e nisin punën në 09:06. Por pse pikërisht në këtë kohë? “Menduam që po ta linim në orën 09:00 fiks, programuesit do të ishin të frustruar për ditën, do mendonin “Do të bëhem vonë”, tregon ai.
Burimi: BBC
