Një tjetër reklamë Krishtlindjesh këtë vit na ka bërë të lotojmë, por vjen nga Polonia. Mbi dy milionë njerëz nga e gjithë globi kanë parë online videon.
Ajo përfshin një gjysh, i cili porosit setin “Anglisht për fillestarët” nga uebsajti.
Më pas nis të dëgjojë dhe të mbajë shënime në gjuhën angleze kudo në të gjithë shtëpinë.
I moshuari madje e praktikon gjuhën kudo që ndodhet, në autobus, në dush, apo ulur në kolltuk.
Për ata që pyesin se cila është arsyeja që ai po i jepet me kaq zemër mësimit të anglishtes, përgjigjja vjen shumë shpejt.
Djali i tij duket se është zhvendosur në Angli dhe është i martuar me një nuse angleze. Të dy kanë një vajzë, mbesën të cilën tani e përshëndet në anglisht. Video ka prekur zemrat e njerëzve përreth botës dhe ashtu bëri edhe me ne.
Burimi: Telegraph
