Një sfidë e vërtetë për stilistët është rikthimi i ngjyrës portokalli, si protagoniste në sfilatat e tyre, duke guxuar me nuancat nga më të ndezurat te më të lehtat.
E lidhur me stinët e nxehta portokallia nuk kishte si të mos ishte tendenca kryesore e kësaj vere.
Fustan, bluzë, çantë, sandale apo syze nuk ka rëndësi! Diçka duhet të jetë patjetër portokalli për të qënë sa më “in” me tendencat e fundit.
Yjet e Hollywood-it nuk humbën kohë, sapo stilistët e sollën këtë ngjyrë në paserela ato e veshën. Nëse më parë veshje apo aksesorë ngjyrë portokalli i gjenim rrallë, tani gjetja e tyre nuk do të jetë më një sfidë.
