Gisele Bündchen, modelja më e paguar në botë për 15 vjet radhazi, u rrëzua nga fronti për herë të parë.
Kendall Jenner e rrëzoi Bündchen nga vendi i parë për herë të parë që nga viti 2002, pasi ka shfrytëzuar famën e “reality-show”-t për t’u bërë modelja më fitimprurëse në industri.
Megjithëse është e re në botën e modelingut, sidomos kur krahasohet me veteranen Giselle, 37-vjeçe, Kendall ka arritur që të kryesojë.
Sipas “Forbes”, fitimet e Jenner-it arritën në 16.6 milionë paund (22 milionë dollarë) këtë vit, të cilat “janë në pjesën më të madhe nga bashkëpunimet me markat Estee Lauder, La Perla dhe Adidas, përveç linjës së veshjes të saj, Kendall + Kylie”. Të ardhurat e Jenner-it vijnë edhe nga “reality-show”, që realizon me familjen e saj, si dhe nga publikimet në mediat sociale.
Çuditërisht, Jenner, e cila është vetëm 22 vjeçe, tashmë ka kapur disa mundësi jashtëzakonisht të lakmueshme për botën e modelingut, duke përfshirë “një kover në Vogue në shtator, një spot kryesor për Marc Jacobs, si dhe është bërë imazhi i Estee Lauder”.
Megjithatë, mediat sociale mund të kenë qenë një prej burimeve më të mëdha të të ardhurve për të. Sipas “Forbes”, “lista e këtij viti dominohet nga vajzat e “Instagram”-it, duke përfshirë motrat e famshme Bella dhe Gigi Hadid”.
Sa për Bundchen, këtë vit modelja u rendit e dyta pasi fitoi 13.2 milionë paund (17.5 milionë dollarë), e treta renditet Chrissy Teigen me 4 milion dollarë të ardhura, e katërta Adriana Lima me 10.5 milionë dollarë të ardhura.
Në vend të pestë renditen dy modele: Gigi Hadid dhe Rosie Huntington-Whiteley me 9.5 milionë dollarë të ardhura.
Burimi: Independent
