Për herë të parë pas disa muajsh lufte ndaj sëmundjes së kancerit, bashkëshortja e këngëtarit Michael Buble, Luisana Lopilato ka thyer heshtjen për djalin e saj Noah.
Nënë e dy fëmijëve, foli në një konferencë për shtyp pasi familja u kthye në Argjentinë pasi ndoqën kimioterapinë 4-mujore të djalit në Los Angeles, SHBA.
Duke folur mjaft e lumtur se djali i saj po shërohej nga sëmundja, ajo falenderoi doktorët, fansat dhe producentin e filmit të saj të ri, i cili ndaloi xhirimet në mënyrë që ajo të ishte pranë djalit të saj.
“Falë Zotit, djali im është mirë. Kur ndodhin gjëra të tilla në jetën tonë, ti ndryshon jetën tënde. Na ndodhi ne. Tani e vlerësoj jetën më shumë, të tashmen dhe të sotmen. Dua të falënderoj njerëzit për mbështetjen e tyre, lutjet dhe dashurinë e tyre”, ka thënë Lopilato.
Djali i tyre 3-vjeçar Noah u diagnostikua disa muaj më parë me kancer në mëlçi, dhe iu nënshtrua një trajtimi intensiv. Prindërit e tij, Michael Buble dhe Luisana Lopilato deklaruan në atë kohë se do të ndërprisnin të gjitha angazhimet për t’iu përkushtuar të voglit të tyre.
