Fansat e filmit “Titanic” kanë vite që bëjnë të njëjtën pyetje që nga dalja e filmit në 1997: Pse dreqin Jack nuk u ngjit në atë derë me Rose dhe të shpëtonte si ajo?!
Drejtori i filmit, James Cameron, e ka dhënë përgjigjen e shumëpritur dhe ajo do t’ju thyejë zemrën.
Së pari duhet të pranoni që jo të gjitha fundet janë të lumtura.
Sipas Cameron, nuk ka të bëjë aspak me shkencën, dhe përgjigja është në fakt shumë më e drejtpërdrejtë – dhe e egër – sesa mund ta imagjinojë ndonjë prej nesh. Në një intervistë me Vanity Fair, James shpjegoi:
“Përgjigjja është shumë e thjeshtë, pse thuhet në faqen 147 [të skenarit] se Jack vdes”. Ai e quajti të gjithë skenën në det një “zgjedhje artistike”, duke komentuar se është “shumë pa kuptim” që njerëzit e diskutojnë ende këtë gjë dy dekada më vonë.
James vazhdoi të shpjegojë se, fundi i filmit do të kishte qenë i pakuptimtë nëse Jack do të kishte jetuar.
“Filmi ka të bëjë me vdekjen dhe ndarjen, ai duhej të vdiste”, shtoi ai. “Pra, quhet art, gjërat ndodhin për arsye artistike, jo për arsye fizike”.
Burimi: Iconstyle.al
