Familja e gjermanit ka shitur së fundmi avionin e tij privat, një kullë në Norvegji dhe pjesë të rëndësishme të koleksionit të orëve të tij.
Schumacher, përveçse një nga më të mëdhenjtë e të gjitha kohërave në F1, ishte edhe një nga sportistët më të pasur në botë. Pasuria e tij personale në vitin 2012 – në sezonin e tij të fundit – e kaloi vlerën e 1 miliard dollarëve!
Megjithatë, jeta përrallore e tij dhe familjes do të ndryshonte rrënjësisht në fund të vitit 2013. Michael pati aksidentin e njohur në resortin dimëror të Mirabelit, i cili i shkaktoi dëmtime të rënda në tru. Pas trajtimeve, Michael u kthye në shtëpi, në një dhomë të projektuar posaçërisht ku monitorohet 24 orë në ditë nga një ekip i specializuar mjekësh dhe infermierësh.
Familja e Schumacher – me gruan e tij Corina tani në krye – kanë bërë gjithçka për t’i ofruar atij kujdesin më të mirë të mundshëm, por edhe për ta mbrojtur atë nga sytë kureshtarë. Dihet pak për shëndetin e Michael. Dihet vetëm se ai ndodhet në Zvicër.
Sipas gazetës italiane La Repubblica, familja Schumacher paguan rreth 7 milionë dollarë në vit për kujdesin e Michael!
Kjo shumë astronomike, e kombinuar me uljen e ndjeshme të të ardhurave të familjes – pasi Sumi ka qenë e shtrirë në shtrat prej gati 11 vitesh – e ka detyruar atë të likuidojë disa nga pasuritë.
Nga avioni privat dhe një sërë shtëpish në pronësi private në Norvegji e deri te makinat dhe orët e koleksionit, familja Schumacher është përmendur mjaft shpesh vitet e fundit në publikimet rreth ankandeve. Dhe me koston e kujdesit të Sumit që vazhdon, të gjitha indikacionet tregojnë se ky trend do të vazhdojë.
