Jennifer Lopez dhe Alex Rodriguez kishin menduar që të martoheshin gjatë këtij viti, por pandemia ju anuloi çdo plani. Ata kishin menduar të kurorëzonin dashurinë në Itali, por nuk arritën ta bënin ëndrrën realitet. Madje tashmë ata kanë vendosur që të mos shkojnë fare bashkë drejt altarit.
Në një intervistë për “Radio Andy”, Jennifer ka folur për planet e saj të martesës.
“Kemi folur për këtë gjë patjetër. Ishte vërtetë e trishtë, sepse ne supozonim që të martoheshim në qershor dhe ksihim planifikuar gjithçka. Kështu që në mars ose prill po shikonim dhe thamë ‘ndoshta kjo nuk do të ndodhë’. Më pas ne anuluam gjithçka, sepse Italia ishte vendi më i prekur në botë”, ka treguar Jennifer.
Ajo është shprehur se ky moment ju dha mundësinë që të ndalonin dhe të mendonin, nëse duhet të nxitojnë vërtetë në këtë gjë. Ajo tha se mbase martesa mund të vijë më vonë, por nuk e dinë ende këtë gjë.
“Na dha një moment pauze për të menduar. Dhe unë mendoj se është diçka që ndodshta është ende e rëndësishme për ne, por nuk kemi pse nxitohemi. Do të ndodhë kur të ndodhë”, ka thënë këngëtarja.
Ajo dhe Rodriguez, 45 vjeç, janë së bashku që nga shkurti i vitit 2017 dhe ata njoftuan fejesën e tyre marsin e kaluar.
