Aktori me famë botërore, Zac Efron ka folur së fundmi gjatë intervistës të dhënë për “Men’s Health” lidhur me jetën e tij personale.
Zac theksoi se ai vijon një luftë të madhe me agorafobinë.
Por në radhë të parë, çfarë është agorafobia?
Agorafobia është frika për të qenë në situata ku ikja mund të jetë e vështirë ose që ndihma nuk do të ishte e disponueshme nëse gjërat shkojnë keq. Shumë njerëz supozojnë se agorafobia është thjesht një frikë nga hapësirat e hapura, por në fakt është një gjendje më komplekse. Dikush me agorafobi mund të ketë frikë nga udhëtimi me transport publik.
Aktori i njohur ka rrëfyer se ai nuk del, sidomos kur mund të jetë i rrethuar nga grupe të mëdha njerëzish.
“Unë thjesht nuk dal jashtë. Njerëzit në grupe të mëdha, më nxisin agorafobinë time”, theksoi aktori gjatë intervistës.
“Fillova të kisha pagjumësi dhe rashë një depresion shumë keq, për një kohë të gjatë. Diçka nga ajo përvojë më dogji”, tha Efron. “E pata një kohë shumë të vështirë për të ecur përpara”, vijoi ai.
Kujtojmë që Efron foli gjithashtu edhe për thashethemet në internet, kur ai akuzohej për operacione plastike por ai shtoi se në nëntor të vitit 2013, ai u rrëzua dhe theu nofullën.
Atij iu kërkua që t’i nënshtrohej terapisë për t’u rikuperuar.
Aktori nuk e kuptoi se fansat po spekulonin në internet mbi thashethemet për operacione plastike në fytyrën e tij derisa nëna e tij i tha Efron-it se nuk duhej të shqetësohej aspak për thashethemet.
“Nëse do t’i merrja për bazë të gjitha thashethemet e njerëzve, më besoni që nuk do ta bëja këtë punë”, përfundoi ai.
