Secili prej nesh ka disa tipare të cilat e karakterizojnë dhe e bëjnë të dallueshëm nga të tjerët. Të gjithë kemi tipare të cilat cilësohen si të mira, por nga ana tjetër kemi edhe tipare të cilat futen në kategorinë e tipareve negative. Duke u bazuar tek shenja e horoskopit tipari më negativ që ka secili prej nesh është:
Dashi
Të lindurit e shenjës së dashit përgjithësisht thuhet se janë njerëz të cilët marrin flakë fare lehtë. Mjafton një situatë apo një fjalë që individët e kësaj shenje të nxehen e të shpërthejnë.
Demi
Personat që i përkasin shenjës së demit konsiderohen si njerëzit më antisocialë. Ata nuk kanë qejf të krijojnë marrëdhënie dhe të tregohen social pa shkak me të tjerët.
Binjakët
Binjakët cilësohen si një shenjë gënjeshtare. Ata janë të aftë të shesin dhe zbukurojnë çdo gjë të mundshme, ama për këtë mbase faji nuk është vetëm i binjakëve.
Gaforrja
Të lindurit në shenjën e gaforres kanë tendencën të lidhen vërtetë shumë me gjërat. Ata ndonjëherë e kanë të pa mundur t’i lejojnë të tjerët të largohen apo të krijojnë hapësirën e tyre.
Luani
Të lindurit e kësaj shenje mendohet se janë të paparë për të krijuar situata dramatike. Çdo gjë që përjetojnë individët e shenjës së luanit kanë tendencën për ta zmadhuar e kthyer në dramë.
Virgjëresha
Detajizmi thuhet se është e meta më e madhe e njerëzve të cilët u përkasin shenjës së virgjëreshës. Nuk e di, por a mund të quhet e metë kjo?
Peshorja
Për të lindurit e shenjës së peshores thuhet se janë përtacë. Ata kanë një natyrë lehtësisht të lëkundshme dhe ky është shkaku se pse individët e peshores humbasin shpejt interesin në çdo gjë.
Akrepi
Pika e fortë e njerëzve të lindur në këtë shenjë nga shumëkush do të konsiderohej si e metë. Të lindurit e shenjës së akrepit karakterizohen nga një aftësi shumë e mirë për manipulim.
Shigjetari
Një ndër të metat kryesore të personave që i përkasin shenjës së shigjetarit është se janë më shumë energjik se sa duhet.
Bricjapi
Ftohtësia është ajo që karakterizon njerëzit e shenjës së bricjapit. Të qenit një njeri i ftohtë nuk është ndonjë e metë për sa kohë që je njeri i ndjeshëm në thellësi, por nuk e shpreh!
Ujori
Mungesa e durimit është një tipar që i karakterizon të lindurit e shenjës së ujorit. PIkërisht mungesa e durimit i bën ata që të duken më nevrikë dhe sigurisht më individualistë.
Peshqit
Peshqit konsiderohen si një shenjë ëndërrimtare. Individët e kësaj shenje kanë tendencën të udhëhiqen nga ëndrrat dhe jo nga realiteti. Kjo ndonjëherë bën që peshqit të shihen nga të tjerët si njerëz të cilët nuk i kanë këmbët në tokë.
