Gjatë kësaj jave mediat në mbarë botën kanë folur për një takim të mundshëm mes Kim Kardashian dhe Presidentit Donald Trump në Shtëpinë e Bardhë për të diskutuar rreth reformës së të burgosurve. Në fakt na u duk si një shaka ky lajm, por paska qenë mëse i vërtetë pasi ka qenë vet Donald Trump që ka postuar në Twitter një foto nga takimi me yllin e serialit “Keeping Up With Kardashians”.
“Takimi i mrekullueshëm me Kim Kardashian sot. Folëm për reformat e të burgosurve dhe dënimet”, shkruan ai në postimin e tij në Twitter.
Kim kaloi një orë në Shtëpinë e Bardhë në një takim me dhëndrin e presidentit Jared Kushner dhe bëri gjithashtu edhe një bisedë me Donald Trump për reformën e të burgosurve, nisur nga rasti i gjyshes së saj Alice Johnson, e cila është e dënuar me burgim të përjetshëm.
Gjysha e saj u burgos me burgim të përjetshëm në vitin 1996 duke u akuzuar për trafikim të drogës dhe pastrim parash, pasi 15 bashkëpunëtorët e saj dëshmuan të gjithë kundër saj. Kjo ishte shkelja e parë e ligjit nga ana e Alice Johnson.
Pas takimit Kim u largua nga Shtëpia e Bardhë dhe u nis për në shtëpinë e Jared Kushner dhe Ivanka Trump.
Fotot e publikuara nga “Daily Mail” tregojnë Kim duke ecur së bashku me Ivanka-n dhe duke buzëqeshur.
Kim, sikurse Donald Trump la një postim në Twitter për takimin e saj në Shtëpinë e Bardhë.
“Unë do të doja të falënderoja Presidentin Trump për kohën e tij këtë pasdite. Shpresojmë që Presidenti do t’i jap mëshirë znj. Alice Marie Johnson, e cila po vuan dënim të përjetshëm për veprën e parë penale dhje jo të dhunshme të drogës”, ka shkruar Kim.
Mirëpo gjatë këtij takimi të gjithëve iu ngelën sytë tek veshja e Kim. Ajo kishte zgjedhur të vishte një kostum të zi serioz, i cili e tregonte shumë klas.
Burimi: Daily Mail
