Në videoklipin e tij më të ri, Kanye West ka arritur të ndërtojë një skenë shqetësuese me anë të animacioneve. Në të reperi ka rrëmbyer dhe ka varrosur të dashurin aktual të Kim Kardashian, Pete Davidson.
Videoja “Eazy” mori një vëmendje masive në janar, pasi West u shpreh në këngë që do të zhdëp në drru Pete Davidson. (Just so I can beat Pete Davidson’s ass.)
Kanye postoi një pjesë kulminante nga klipi i tij në “Instagram”. Në të mund të shikohet reperi i cili ndodhet ulur mbi një arkivol. Më vonë, Kanye shihet teksa vendos një çantë mbi kokën e një personazhi të ngjashëm me Davidson dhe duke e rrëmbyer atë.
Më pas ai e lidh personazhin e ngjashëm me Davidson dhe shkon me makinë në një zonë të braktisur, duke e varrosur Pete deri në qafë përpara se të mbjellë farat e trëndafilit rreth kokës së tij.
Lulet fillojnë të lulëzojnë dhe Davidson, ende gjallë, shikon ndërsa Ye zgjedh disa dhe i ngarkon në një kamionçinë.
Imazhi është një referencë e qartë e West i cili i dhuroi ish-bashkëshortes – dhe të dashurës së Davidson – Kim Kardashian një kamion me trëndafila në ditën e Shën Valentinit.
Por. ç’mendon Kim për këtë? Teksa Twitter po zien nga statuset e njerëzve që e cilësojnë Kanye-n të çmendur dhe Pete-n djalë të mirë, ylli i KUWTK ka pëlqyer një status që mbështeste Davidson-in.
“Që ta dini, Pete Davidson është një nga djemtë më të ëmbël dhe më të sjellshëm që njoh. Shumë njerëzor, me humor dhe i trajton të gjithë rreth vetes me respekt.”- ishte postimi i shkruar nga regjisori James Gunn.
Epo, tani e dimë ç’anë mban Kim-i! Madje, ajo ka hequr edhe mbiemrin West nga rrjetet sociale, tashmë që procedurat e divorcit përfunduan.
