Më në fund, kemi momentin e përballjes së Kim Kardashian me Tristan Thompson, pas skandalit të tradhëtisë! Në videon e publikuar nga “E!”, Kim, Kris, Kourtney dhe Malika mbërrijnë në Cleveland në kohë, për të përkrahur Khloe-n gjatë kohës që po sjell në jetë fëmijën e saj të parë.
Krahas yllit të “Keeping Up With The Kardashians” ndodhet edhe Tristan, i cili i qëndron Khloe-s mbi kokë, duke i mbajtur edhe dorën. Mirëpo, Kim nuk është shumë e lumtur për këtë moment dhe pas krahëve bën me shenja, duke treguar sesa shumë e urren Tristan!
“Mendoja se do të kishte më shumë tension, por gjithçka duket shumë qetë. Edhe përse dua të shpërthej, mendoj se është momenti që ta mbajmë situatën nën kontroll. Nuk dua të kem shumë të bëj me të (Tristan), thjesht dua të jem aty për Khloen” – tha Kim gjatë klipit.
Ndërkohë që në fund të videos, Khloe detyron Kim dhe Tristan të takohen dhe ai e përqafon. Çfarë situate tensioni!
