Kim Kardashian dhe Pete Davidson janë padiskutim një ndër çiftet më të komentuar kudo. Ata u panë për herë të parë bashkë të kapur për dore vitin e kaluar.
Mirëpo Kim ka folur së fundmi për Pete.
Ajo i tha një grup njerëzish duke përfshirë këtu Ellen DeGeneres, Portia de Rossi dhe Scott Disick në episodin e fundit të “The Kardashians” se Pete “është qenia njerëzore më e ëmbël dhe më e këndshme në planet”.
Më pas, ajo i tha atyre se detajet do t’ua tregonte jashtë kamerave.
Page Six konfirmoi ekskluzivisht në nëntor se Kardashian, 41 vjec, dhe Davidson, 28 vjec, ishin zyrtarisht në lidhje.
Së fundmi, ata ishin në qendër të vëmendjes në Met Gala, ku Kardashian veshi fustanin ikonik të Marilyn Monroe.
Gjatë një interviste, Kim pranoi se nuk e priste kurrsesi të lidhej me Pete dhe më pas shtoi se gjërat ndodhin atëherë kur nuk i pret.
“Unë mendoj se ndonjëherë gjërat ndodhin atëherë kur nuk i prisni. Ishte gjëja e fundit që po mendoja vërtet”, tha Kardashian në prill për romancën e saj me aktorin.
Në të njëjtin episod të “The Kardashians”, Kim Kardashian foli edhe për ish-bashkëshortin e saj, reperin e njohur dhe mjaft kontrovers, Kanye West.
