“Psalm Ye”, shkruajti Kim Kardashian pak minuta më parë, në foton e parë nga afër të të birit, Psalm.
Me krahët pas koke, Psalm duket se po bën tamam gjumë mbreti.
Kim dhe Kanye u bënë prindër më 9 maj, përmes një mamaje surrogate.
Ata pritën ca derisa zbuluan emrin e vogëlushit të katërt të familjes, që mbahet për emra të çuditshëm fëmijësh.
Emri Psalm, duket se është frymëzuar nga motivet biblike dhe me shumë gjasa mund të ketë qenë ide e Kanye-s, i cili i përdor shpesh referencat e Biblës.
Emri i tij, Kanye, ka kuptimin “udhëheqësi i ardhshëm” ose “i ardhshmi në radhë për të udhëhequr”.
Në shtator të vitit të kaluar, Kanye e ndryshoi emrin ligjërisht duke mbajtur vetëm pjesën “Ye”, sipas tij sepse është fjala më e përdorur në Bibël.
Kështu, edhe emri Psalm, siç dihet është një term i njohur fetar që u referohet këngëve për besimin ndaj Zotit.
Kjo është e dyta foto e tij që publikohet nga Kim-i.
E para, ishte ajo ku u zbulua për herë të parë emri.
