Me ardhjen e sezonit të verës personazhet e famshme kanë nxituar të ndryshojnë “look”-un e tyre. Nga kjo mani nuk ka shpëtuar as ylli i internetit Kim Kardashian, e cila me çdo ndryshim në pamjen e saj paralajmëron një trend të ri që do të ndiqet nga të gjithë.
Kim Kardashian mbrëmjen e djeshme gjatë një dalje në tapetin e kuq të “MTV movie and Tv Awards” së bashku me të ëmën, Kriss Jenner, tërhoqi vëmendjen e të gjithëve me look-un e saj të ri.
Ylli i “Keeping up with the Kardashians” u shfaq me flokët e kapura gërshetë dhe na tregoi të gjithëve se kjo është zgjedhja perfekte për të qenë sa më “trendy”, por edhe sa më rehat gjatë verës.
Ky “look” i ri i shkonte shumë 37-vjeçares dhe të gjithë fansat po i kërkojnë të mos ndryshojë më pamje.
