Bukuroshja Kim Kardashian në fund të këtij viti do të bëhet nënë e një tjetër vajze. Kësaj radhe ajo ka zgjedhur një nënë surrogate që të mbaj në bark fëmijën e saj.
37- vjeçarja ka rrëfyer se nuk është aspak e lehtë për të pavarësisht se nuk po e mban vet në bark beben. Ajo pranon se ishte fillimisht shumë e lumtur, pasi iu kishte “shpëtuar” sfidave fizike të shtatzëninë, por me kalimin e kohës gjërat nisën të ndryshonin.
“Është me të vërtetë shumë ndryshe. Kushdo që thotë ose mendon se është e thjeshtë, nuk është aspak kështu”: u shpreh ajo gjatë një interviste për “Entertainment Tonight”.
Kim u shpreh se i është dashur të sfidojë paksa, pasi vuante nga mungesa e kontrollit, ndonëse tregon se ka besim të plotë tek nëna surrogate që zgjodhi.
“Mendoj se është shumë e vështirë ta kalosh në këtë mënyrë, pasi ti nuk e kontrollon veten. Natyrisht që ti zgjedh dikë që e beson plotësisht dhe ke një marrëdhënie të mirë me të, por… duke ditur se unë kam qenë në gjendje të mbaj dy fëmijët e tjerë dhe të tretin, jo, ju duhet ta kuptoni se sa e vështirë është për mua. Padyshim është një eksperiencë më e vështirë nga sa e kisha parashikuar”: tha Kim.
Ylli botëror është tashmë nënë e dy fëmijëve me Kanye West, por ajo u këshillua nga mjekët që të mos kishte një shtatzëni të tretë.
