Kim Kardashian gjatë muajit prill do ta shohim në cover-in e revistës “Elle”, për të cilën ka dhënë edhe një intervistë shumë interesante. Ajo ka treguar se jeta e saj është shumë kaotike dhe për të është shumë e rëndësishme që shtëpia të jetë e thjeshtë dhe e pastër.
Kim është nënë e 3 fëmijëve dhe jeta e saj është shumë e mbushur me aktivitete që lidhen me punën e saj. Kujtojmë se vetëm pak kohë më parë erdhi në jetë fëmija i saj i tretë nga një nënë surrogate. Siç ka rrëfyer edhe më parë për Kim kjo ishte një eksperiencë shumë emocionuese.
“Unë urreja që të isha shtatzënë, por sa më shumë që e urreja atë aq më shumë dëshiroja që ta kisha bërë vet. Në fillim kontrolli ishte shumë i vështirë, por më pas kuptova se kjo është përvoja më e mirë. Unë ua rekomandojë të gjithëve lindjen me nënë surrogate”, u shpreh Kim duke ndarë eksperiencën e saj.
37-vjeçarja tregoi gjatë intervistës se në fund të ditës kur ajo shkon në shtëpi fshin nga telefoni i saj çdo gjë që nuk i duhet më.
“Fshij gjithçka që nuk është aktuale. Mbaj vetëm informacionin që më duhet. Nuk mund të duroj dot aq shumë zhurmë”, u shpreh Kim për “Elle”.
Ylli i “Keeping Up With the Kardashians” ka treguar gjatë intervistës së është shumë e fiksuar pas organizimit, sa nëse rrobat e fëmijëve nuk janë të hekurosura dhe të vendosura siç duhet mund të shpërthej në nerva. Jeta e saj e vrullshme e ka bërë që ajo ta ketë të pamundur që ta mbajë gjithçka nën kontroll. Por si do të ishte jeta e Kim me një fëmijë të katërt në horizont?
“S’e di. Shtëpia dhe zemra ime janë plot tani, në mënyrën më të mirë të mundshme”, tha Kim duke shtuar se një fëmijë i katërt do të ishte i fundit.
Ky vendim i Kim lidhet me një arsye të fortë për të.
“Nuk besoj se mund të përballoj më shumë se kaq. Nuk kam aq shumë kohë. Dhe mendoj që është shumë e rëndësishmen në një çift që nëna t’i kushtojë vëmendje bashkëshortit po aq sa fëmijëve të saj”, u shpreh Kim për “Elle”.
Në këtë intervistë Kim foli edhe për lidhjen e saj me Kanye duke thënë se ata balancojnë njëri-tjetrin si çift.
Burimi: ELLE
