Kim Kardashian ka folur për përvojën e saj traumatike të grabitjes në Paris në vitin 2016.
Gjatë incidentit, Kim u mbyll me forcë në dhomën e saj të hotelit nga pesë burra të veshur si policë. Hajdutët u larguan me bizhuteri me vlerë 6.1 milionë dollarë.
Edhe pse ishte shumë e frikshme për të në atë kohë, Kim tregoi se tani ndjehet ndryshe në lidhje me grabitjen. Kim u shfaq në “Alec Baldwin Show” ku rrëfeu se në fillim ishte shumë e vështirë për të që t’i kthehej normalitetit pas incidentit.
“Mami vinte dhe më thoshte: “A do të dalësh nga shtrati? A do të veshësh diçka tjetër përveç tutave?
Kim gjithashtu tha se ajo fajësoi veten për atë që i ndodhi:
“Unë jam tërësisht realiste. Kështu që e di, kur poston në mediat sociale vendndodhjen, bizhuteritë, çantat, çfarë po bën, ku po shkon, makinat, gjërat. Gjithmonë flisja për gjërat e mia. Unë matesha se kush isha nga ajo që kisha. Mendova, ‘Oh, unë vlej kaq shumë”.
Ylli i “Keeping Up With The Kardashians” u shpreh: “Kjo eksperiencë më ndryshoi dhe duhej të më ndryshonte, prandaj jam mirënjohëse për përvojën. Edhe pse ishte e tmerrshme dhe nuk do t’ia dëshiroja asnjë njeriu, me të vërtetë më ndryshoi thellë në atë që tani ndihem sikur mund të kthehem te vetja ime”.
Kim gjithashtu përmendi se ajo e ka rritur sigurinë e saj dhe e ka bërë atë një prioritet më të lartë. Ajo ruhet nga 6 roje sigurie që rrinë jashtë shtëpisë, dhe disa të tjerë kur është në lëvizje. Edhe pse i është mirënjohëse asaj periudhe, Kim shpreson që të mos i ndodhë më një gjë e tillë.
