Kim Kardashian anuloi një paraqitje të saj në Las Vegas.
Sipas “E! News”, 35-vjeçarja nuk do të marrë pjesë në Hakkasan Nightclub që ndodhet në MGM Grand më 28 tetor. Në të njëjtën kohë media bën me dije se bashkëshortja e Kanye West po merr konsulta pas grabitjes, nga pesë të maskuarit dhe të armatosurit në Paris, që ndodhi në fillim të muajit.
Ajo me sa duket është e detyruar me kontratë të dalë katër herë këtë vit në klub, për të mbledhur 1 milion dollarë për telashet e saj.
Paraqitja e anuluar, në prag të ditëlindjes së saj më 21 tetor, do të ishte vetëm hera e tretë e saj. Asnjë paraqitje e katërt nuk është radhitur në kalendarin e eventeve në internet.
Megjithatë, duke cituar burime nga Hakkasan, “E! News” deklaroi se klubi ka një raport të qetë me yllin dhe familjen e saj, duke i dhënë mundësinë që të shtyjë ngjarjen për një datë tjetër pa e paguar.
Ndërkohë që punonjësit e sigurisë në shtëpinë në Los Angeles janë kudo rreth saj. “Kim është ende shumë paranojake kur është vetëm. Ajo sjell në mend kujtimet e asaj dite dhe nuk fle mirë. Motrat e saj dhe nëna vijnë e takojnë çdo ditë. Kanye i ka qëndruar në krah dhe i telefon pa pushim. Të qëndruarit me fëmijët e ndihmojnë që të mos mendojë keq”, tha një burim për “E! News”.
Edhe pse nuk ka zgjedhur këtë herë, nëna e dy fëmijëve nuk është e panjohur për festimet në Las Vegas, pasi ka bërë disa ditëlindje në klubin e natës TAO. Ajo u paraqit në Hakkasan më 8 prill dhe 22 korrik të këtij viti, duke realizuar vetëm gjysmën e kontratës.
Burimi: E! News
