E kemi parë gjithmonë me flokë të zeza, një këngëtare simpatike që i lë të gjithë me gojë hapur me fizikun e saj. Prej pak kohësh është kthyer në një bionde sharmante. E ftuar në emisionin e pasdites “Rudina” Fjolla Morina e ka habitur moderatoren me ndryshimin që ka bërë së fundmi në pamjen e saj.
E befasuar nga pamja e saj e re Rudina i tha Fjollës se i kujton shumë Kim Kardashian nga flokët bionde.
“Uauu më ka ardhur Kim në studio. Nga flokët i ngjan shumë ndaj them me bindje se më ka ardhur Kim Kardashian në studio”, i tha Rudina Fjollës.
Me ndryshimet që ka bërë së fundmi në pamjen e saj edhe ne mund të themi që Fjolla është bërë si Kim. Në studion e Rudinës, këngëtarja foli për projektin e saj më të fundit që po e çon atë drejt botës së modës.
Fjolla sot do të prezantojë një koleksion të veçantë të fustaneve dhe kostumeve për meshkuj. Për këtë projekt ajo ka bashkëpunuar me stilistin Mr. Rex.
