Kim Kardashian është vënë në qendër të komenteve negative pasi akuzohet për “blackface”.
Në fotot e fundit që ka shkrepur për “7HOLLYWOOD” ajo shfaqet me makeup të errët dhe fansat e akuzojnë rëndë për racizëm.
Twitter-i dhe Instagram-i po ‘çmenden’ nga këto komente, ndërsa Kim nuk ka reaguar ende lidhur me to.
Ata shprehen të irrituar, pasi Kim ka qenë e para që mbështeste njerëzit me ngjyrë, ndërsa me veprimin e fundit e ka tepruar.
Sipas Kim ajo ka imituar Elizabeth Taylor me këto foto, por tek fansat nuk bien aspak dakord me këtë.
Një nga fansat shkruan se Kim e di shumë mirë që është duke bërë një veprim tallës, megjithatë si gjithmonë po përpiqet që të bëjë zhurmë. Ai shton se bashkëshorti dhe fëmijët e saj janë me ngjyrë dhe ajo e di çdo të thotë të të fyejnë.
“Kjo nuk është një ngjyrë e zezë moderne. Kjo është një e zezë tallëse, që bashkëshorti i saj gomar e lejon. Ai do të bëhet portokalli ndërsa kjo e zezë”, shkruan dikush tjetër.
Por si lindi historia e “blackface” dhe pse konsiderohet ajo shenjë racizmi?
Kjo gjë ka ndodhur vite më parë në SHBA, pas përfundimit të Luftës Civile. Njerëzit e bardhë aso kohe nisën të imitonin njerëzit me ngjyrë duke vendosur paruke të mëdha në kokë dhe lyenin buzët të kuqe.
Ata ngjyrosnin fytyrën e tyre duke djegur topa, rroba apo çdo gjë tjetër që nxirrte tym të zi.
Për shkak të një historie të dhimbshme që lidhet dhe me skllavërinë, njerëzit që përpiqen të imitojnë njerëzit me ngjyrë akuzohen gjithmonë për racizëm.
