Kim Kardashian u sigurua që ndjekësit të kuptonin që mbështet motrën e saj, Khloe, pas ndarjes nga Tristan Thompson. Ky i fundit u raportua në fillim të kësaj jave se ishte kapur duke u puthur me shoqen e ngushtë të Kylie Jenner, Jordyn Woods.
Dhe Kim vendosi që t’i bënte një dedikim kësaj të fundit përmes një kënge, gjatë një udhëtimi me makinë. Ajo nisi të këndonte këngën e Nivea-s të publikuar në vitin 2001 “Don’t Mess With My Man” (“Mos u ngatërro me mashkullin tim”)
“Ja një këshillë e vogël për ty, gjej mashkullin tënd”, dëgjohet të këndojë Kim, në videon e publikuar në Insta Story.
Dhe ajo sapo na gjeti këngën perfekte që duhet t’i dedikojmë të gjitha atyre, që bëjnë të njëjtin veprim si Jordyn.
Kim ndodhej në sediljen e pasme të makinës me shoqen Malika, ndërsa Khloe ishte ulur përpara.
Burimi: Daily Mail
