Kim Kardashian ka vendosur ta festojë në një mënyrë krejt të veçantë Shën Valentinin këtë vit. Ajo ka përgatitur një listë me të gjithë personat që do ti bëjë dhuratë dhe i ka shpërndarë në “Instagram”-in e saj.
Në këtë listë Kim nuk ka përfshirë vetëm njerëzit e saj më të dashur, por edhe ata persona të cilët nuk kanë folur mirë për të dhe që i konsideron si “Haters” që janë Piers Morgan, Taylor Swift, Wendy Williams, Chlow Grace Moretz dhe Lindsay Lohan.
“Këtu është lista e personave që do ti bëj dhuratë për Shën Valentin. Janë personat më të dashur për mua, por edhe ata që nuk më duan. Fundja është ditë e veçantë dhe duhet të shpërndajmë sa më shumë dashuri”, është shprehur Kim Kardashian.
Shkurti është konsideruar si muaji i dashurisë dhe kjo zgjedhje e veçantë e Kim mund të jetë një sugjerim i mirë dhe për ju. Mund t’i bëni dhuratë dikujt që nuk ka folur mirë për ju, për t’i treguar në këtë mënyrë se nuk është e nevojshme të flasësh keq për dikë dhe të gjithë kemi nevojë për sa më shumë dashuri.
