Kim Kardashina dhe Kanye West kaluan një fundvit jo shumë të këndshëm, për shkak të djalit të tyre. Vogëlushi Saint West kaloi disa ditë në spital pas një pneumonie. Lajmin e hidhur e bëri të ditur Kim-i nëpërmjet një postimi në “Instagram”.
“Djali im i çmuar është shumë i fortë! Pasi kam kaluar tri net në spital dhe kam parë djalin që merrte serume të ndryshme, i kapur pas makinerive të oksigjenit, fundi ynë i vitit ishte shumë sfidues. Dua vetëm të falënderoj të gjithë infermierët dhe mjekët e spitalit që punojnë të palodhur gjatë 24 orëve. Ju jemi kaq mirënjohës të gjithëve. Ai është në shtëpi dhe është shëruar. I kapërcen aq lehtë vështirësitë sa jam e sigurt që do thotë që xhiroja me ambulancë ishte e këndshme! Saint-i im i fortë”, shkruajti Kim në “Instagram”.
Menjëherë pas këtij postimi të shumtë kanë qenë ata që i janë kundërvënë Kim-it duke e akuzuar se ajo e kishte braktisur të birin në spital për të marr pjesë në festimet e Vitit të Ri. Por, matuni mirë para se të flisni me Kim-in. Blogerja e njohur ua ka treguar vendin të gjithëve me një status në “Twitter”.
“Nuk e lashë djalin për asnjë minutë gjatë qëndrimit në spital. Ne ishim atje nga e mërkura në darkë deri të shtunën. Nata e Vitit të Ri ishte të dielën në darkë. Njerëzit erdhën kur ai ishte bërë gati për gjumë. Mos guxoni të merreni me mua për fëmijët e mi”, ka shkruar Kim në “Twitter”.
