Nuk para ndodh, por nëse rastësisht të ka ndjekur Kim Kardashian në Instagram, mos u shqetëso nëse nuk të ndjek më!
Kjo pasi Kim-it i ka ndodhur çudia më e madhe në rrjetin social dhe ajo nuk ka lidhje fare me këtë! Të gjithë miqtë që ndiqte Kim në Instagram, i janë fshirë nga profili i saj, duke e bërë 0 numrin e personave që ndjek bukuroshja.
Kjo gjë është vënë re filimisht nga një faqe në Twitter, që me sa pamë ne të “Iconstyle”, e menaxhon një fanse e madhe shqiptare e familjes Kardashian.
Kjo faqe, që mban edhe flamurin kuqezi në profil dhe madje ndiqet edhe nga Kim dhe Khloe Kardashian, ka bërë postimin shqetësues që më pas është shpërndarë nga vetëm Kim në Twitter:
“Prit, çfarë po ndodh? Është ndonjë virus i Instagramit apo çfarë?”, shkruante në Twitter faqja me flamurin shqiptar bashkë me një foto ku Kim shfaqej me 0 following.
Kim Kardashian ka publikuar këtë postim për të treguar se duhet të jetë ndonjë gabim, pasi ajo vetë nuk ka fshirë asnjë:
“O Zot.. Çfarë po ndodh?” Jo, është gabim. Tani duhet të kujtoj të gjithë që ndiqja dhe t’i shtoj të gjithë. Nuk e kam idenë se çfarë ka ndodhur”, është shprehur Kim.
Tani që flasim bukuroshja brune ka bërë gjithsej 22 following, dhe me sa duket mbante mend vetëm familjen dhe miqtë e afërt.
