Kim Kardashian ende vuan nga ngjarja e ndodhur në Paris më 3 tetor, ku u grabit nga pesë meshkuj të armatosur. Ylli 36-vjeçar, e cila po bën një jetë joaktive pas këtij incidenti, raportohet të bëjë konsultime të përditshme tek terapisti për të kaluar pasojat e asaj traume.
“Kardashian është shndërruar në një person paranojak dhe ka shumë probleme me gjumin”, tha një burim për “Us Weekly”. Ajo bisedon çdo ditë me një terapist përmes “Skype”-it, telefonit apo duke e takuar personalisht.
Që prej asaj ngjarjeje, Kim ndaloi së publikuari foto nga jeta e saj në “Instagram” apo “Snapchat”, si edhe ka anuluar të gjitha daljet në publik.
Një tjetër burim tha për revistën se sesionet e terapive të Kim-it nuk janë aq të shpeshta. Gjithsesi miqtë e saj insistojnë se ajo është shumë më mirë se sa ishte.
Burimi: Daily Mail
