Shtatzënia e dytë e Kim Kardashian ishte shumë e vështirë, por kjo nuk e pengon yllin e serialit “Keeping up with the Kardashians”, që të kërkojë një tjetër fëmijë.
Siç bëri me dije në episodin e kësaj jave të “Keeping Up With The Kardashians”, 36-vjeçarja dhe bashkëshorti i saj Kanye West po mundohen të shtojnë familjen e tyre me një fëmijë tjetër, pas vajzës North dhe djalit Saint.
Por doktorët nuk ia këshillojnë një gjë të tillë sepse mund të jetë e rrezikshme për të, duke parë se dy shtatzënitë e saj të para kanë qenë tepër të vështira.
“Do përpiqem të bëj një fëmijë tjetër. Dua që fëmijët e mi të kenë motra e vëllezër, por doktorët mendojnë se është e rrezikshme për mua”, thotë Kim.
Nëna e saj Kris Jenner gjithashtu e paralajmëron: “Nuk dua të bësh diçka që mund të të vërë në rrezik”.
