Kim Kardashian po kalon ditë të bukura në shtëpi me fëmijën e saj të tretë. 37-vjeçarja vendosi që të ndante me fansat disa detaje për vendimin e saj, që vajza të lindte përmes një nëne surrogate dhe ndjesinë që i ka dhënë kjo gjatë këtyre muajve.
“Lidhja me fëmijën tonë erdhi menjëherë dhe duket sikur ajo ka qenë me ne gjatë gjithë kohës”, ka thënë gruaja e Kanye West.
Shkrimin e publikuar në uebsajtin e saj e ka quajtur “E vërteta për vendimin e shtatzënisë sime” dhe ndërsa disa nga informacionet ishin të vjetra, ylli dha edhe shumë detaje surprizuese.
“Unë kam qenë gjithmonë e sinqertë në lidhje me sfidën time të shtatzëninë. “Preeclampsia” (presioni i lart i gjakut gjatë shtatzënisë) dhe “placenta accreta” janë shumë të rrezikshme, kështu që kur dëshiroja të kisha një fëmijë të tretë, mjekët thanë se nuk ishte e sigurt për shëndetin tim dhe të foshnjës që ta mbaja unë.
Pasi pamë shumë opsione, Kanye dhe unë vendosëm të përdorim një nënë surrogate, kur një grua mban një fëmijë që nuk ka lidhje biologjike.
Në përgjithësi një surrogate dhuron vezën e saj, e cila bashkohet artificialisht me spermën e babait dhe pastaj mban fëmijën deri në lindje. Meqë ne futëm vezën time të fekonduar, fëmija është biologjikisht i imi dhe i Kanye-t.
Ju mund të zgjidhni dikë që njihni ose mund të kërkoni përmes një agjencie, siç bëmë ne.
Të zgjedhësh një nënë surrogate patjetër që është ndryshe, por kushdo që thotë ose mendon se është rruga më e lehtë e ka gabim.
Njerëzit supozojnë se është më mirë, sepse nuk kalon ndryshime fizike, dhimbje ose komplikimet gjatë lindjes, por për mua ishte aq e vështirë të mos mbaja fëmijën tim, veçanërisht pasi kam mbajtur North dhe Saint.
Jam aq mirënjohëse për teknologjinë moderne dhe që kjo është e mundur. Nuk është për të gjithë, por absolutisht e dua nënën surrogate dhe kjo ishte përvoja më e mirë që kam pasur ndonjëherë.
Ajo na dha dhuratën më të madhe që dikush mund të të japë”.
Burimi: Daily Mail
