Kim Kardashian dhe Kanye West janë takuar së bashku për herë të parë që nga tubimi i fushatës në Karolinën e Jugut një javë më parë. Kim fluturoi drejt Cody të hënën duke u përpjekur të bind Kanye të trajtohet për bipolaritetin.
Fotot e tyre bën xhiron e rrjetit sepse Kim u pa tek qante në makinë, teksa dje u bë me dije se Kim i ka kërkuar të shoqit që të trajtohet për bipolaritetin. (Lexo këtu)
Së fundmi, Kim është parë në Los Angeles e veshur sportive teksa dilte nga automjeti i saj, ku besoheT se po mbikëqyr një fotosesion për linjën e saj SKIMS.
Kjo dalje publike e saj vjen mes pretendimeve që Kim ndihet ‘e bllokuar në martesën e saj’ me Kanye, 43 vjeç.
Nga fotot shihet qartë gjendja e rënduar emocionale në të cilën ndodhet Kim, e cila po kalon një periudhë shumë të vështirë e sipas personave pranë saj është e shkatërruar.
‘Kim ndihet i bllokuar. Ajo e do Kanye dhe ajo mendon për të si dashurinë e jetës së saj. Por ajo nuk e di se çfarë të bëjë. Kim e di që nuk është e shëndetshme që ajo të jetë rreth tij tani, dhe sinqerisht nuk është e shëndetshme as për fëmijët. Ai duhet të mbledh veten.‘-ka thënë një burim për People.
Megjithëse Kanye ka kërkuar falje publikisht për sjelljen dhe shpërthimet e tij, duket se Kim është ende zemërthyer dhe një burim tjetër pretendon se Kim u përpoq ta bindte Kanye të hiqte dorë nga gara për president, megjithëse ai nuk e ka dëgjuar.
Ndërkohë, UsWeekly shkroi dje se në fakt ata kanë filluar të jetojnë të ndarë para se çështja të bëhej publike. Po ashtu, thuhej se ajo fluturontre drejt tij vetëm kur shoqëronte fëmijët për të takuar reperin.
Javën e kaluar, Kim reagoi për herë të parë në Instagram pas deklaratave të Kanye, duke pranuar se ajo ishte e pafuqishme ndaj problemeve të tij psikologjike, duke e quajtur burrin e saj brilant, të shkëlqyeshëm, por të ndërlikuar.
Ylli i KUWTK tha se ‘fjalët e tij ndonjëherë nuk përputhen me qëllimet e tij’ teksa Kanye pretendoi se ai ishte ‘duke u përpjekur të shkurorëzohej’ nga Kim pasi ajo u takua me reperin e tij Meek Mill në një hotel. Ai po ashtu ka folur për abortin që kanë menduar për North dhe një sërë çështjesh delikate.
Pas gjithë kësaj që ndodhi, burime pranë dyshes treguan se reperi as nuk dëshironte ta takonte bashkëshorten e tij, por duket se ujërat janë qetësuar.
Në postimin e fundit në Twitter, ai i ka kërkuar falje publike Kim-it dhe e pranoi se e ka lënduar, ndërsa tani e ka kuptuar gabimin.
