Motrat Kardashian kanë nisur pushimet në Turks dhe Caicos për disa ditë. Dhe ne nuk kemi nga ta dimë përveçse nga postimet e tyre të njëpasnjëshme në rrjetet sociale që na bëjnë t’i kemi zili.
Fotot me bikini të Kim Kardashian dhe Kourtney Kardashian, po bëjnë namin në rrjetet sociale.
Kourtney e cila është një vit më e madhe se Kim, ka treguar linjat e saj të rregullta që çdo femër do t’i kishte zili.
Nëna e tre fëmijëve eklipsoi fansat dhe la pas të motrën, teksa pozoi në tavolinën e sërfit, e veshur me një palë rroba banje në ngjyrë metalike.
Ylli i show-t “Keeping Up With the Kardashians” gjithashtu publikoi një videoklip gjatë një shëtitjeje në drejtim të plazhit ku e priste një mëngjes i shëndetshëm me fruta dhe lëngje.
Një burim tha për E! News se motrat po qëndrojnë në Resortin me 5 yje, Amanyara, një më luksozët në ishull.
Ato dukeshin shumë të lumtura dhe në harmoni me njëra-tjetrën. Sipas burimit, motrat silleshin sikur po kalonin një muaj mjalti pa bashkëshortët e tyre.
Kim dhe Kourtney shoqëroheshin vetëm nga Penelope, vajza 5-vjeçare e motrës së madhe.
