Ylli i klanit Kardashian, Kourtney, ka festuar 43-vjetorin e lindjes dhe kjo ditë ka qenë më shumë se speciale për të.
Kourtney është rrethuar nga dashuria e familjarëve, fëmijëve të saj, miqve e partnerit dhe dita i është bërë shumë herë më e bukur.
Por, vëmendjen e të gjithëve e tërhoqën urimet e motrave të saj, Kim dhe Khloe, që zgjodhën momentet më të sikletshme për t’i uruar Kourtney-t ditëlindjen.
Ndër të tjera, Kim zgjodhi një pozë me fytyrë të ngrirë teksa provonin së bashku një maskë të re, ndërsa Khloe një video të Kourtney-t të ulur në WC.
View this post on Instagram
View this post on Instagram
Sigurisht, fjalët e urimit ishin më të ndjerat, si gjithmonë!
Ditën e djeshme, partneri i saj i ri, Travis Barker, i dërgoi Kourtney-t dhuratën më të bukur.
Ai i dërgoi asaj një buqetë gjigante me lule, madje një nga më të mëdhat që na kanë zënë sytë. E lumtur për këtë surprizë, Kourtney e ndau menjëherë me ndjekësit e saj në Instagram.
“Tulipanët dhe gardeniat janë lulet e mia të preferuara. E gjithë shtëpia ime mban aromë të mirë”, ka shkruar Kourtney përkrah fotos. Lulet përfshinin tulipanë të bardhë dhe myshk të vendosura në një vazo dhe gardenia të bardha që vareshin në tavan.
Më vonë Travis i dha Kourtney-t edhe një ëmbëlsirë për t’i uruar ditëlindjen. Barker publikoi në Instagram një foto të ëmbëlsirës dhe të një pjate ku shkruhej “Gëzuar ditëlindjen Kourtney”.
Ylli i “Keeping Up With The Kardashians” publikoi edhe disa momente speciale nga ditëlindja e saj, si një mesazh të ëmbël nga e ëma, Kris Jenner dhe një kartolinë urimi të bërë me dorë nga vajza e saj, Penelope.
Kujtojmë se në janar të këtij viti në mediat rozë u shpërnda me shpejtësi lajmi se Kourtney Kardashian ka nisur një lidhje të re dashurie me Travis Barker. Këto zëra u konfirmuan pasi Kourtney i dërgoi këtij të fundit një letër dashurie, që shkriu zemrat e të gjithëve.
“Për shumë aventura. Le ta shkatërrojmë njëri-tjetrin plotësisht. Me dashuri, Kourtney”, shkruhej në letër nga bukuroshja brune.
Gjithashtu së fundmi, Travis ka bërë një gjest shumë të veçantë për Kourtney Kardashian duke e çuar lidhjen e tyre në një tjetër nivel. Ai ka bërë tatuazh emrin e yllin e “Keeping Up With The Kardashians”, dhe kjo e fundit e ndau foton në Instagramin e saj.
