“Po të doja, Kiarën e kisha kapur me kohë”- ishte kjo deklarat e Kristit, e bërë gati dy muaj më parë, që solli shumë diskutime. Asokohe Kiara u shpreh e prekur nga ky koment i Kristit dhe i tha atij se nuk do ta tolerojë më diçka të tillë. Edhe Luizi, nga ana e tij, debatoi ashpër në atë kohë me Kristin, pikërisht për këtë arsye.
Me kalimin e javëve marrëdhënia mes banorëve në shtëpi ndryshoi dhe u duk se mes Kristit dhe Luizit nuk ka më “armiqësi” apo hatërmbetje. Të gjithë menduan kështu deri këtë të martë, kur Luizi futi në “kurth” Kristin duke e nxjerrë në nominim.
Kur shpejgoi arsyet e tij, për lojën që bëri ndaj Armaldos dhe Kristit, Luizi theksoi se “ka borxhe të vjetra”. Këngëtari tregoi se arsyeja pse e nxorri Kristin në nominim në atë mënyrë, ishte pikërisht Kiara dhe komenti që ai kishte bërë për të. Kur u pyet nga Arbana për mendimin e saj në lidhje me këtë strategji të Luizit, Kiara fillimisht hezitoi të përgjigjej, por më pas u shpreh se “nuk është dakord me lojën e Luizit edhe pse është munduar ta ndryshojë”.
E ndërsa Luizi nuk e ka harruar, e aq më pak falur Kristin për komentin që ai ka bërë kohë më parë, Kiara duket sikur e ka lënë gjithçka pas. Kjo pasi moderatorja nuk e ka përmendur më atë gjë, nuk ka tentuar të “hakmerret” ndaj Kristit dhe edhe tani që Luizi e bëri për të, ajo nuk ishte dakord.
Kiara ka preferuar të qëndrojë komplet indiferente ndaj debatit të ashpër që ndodhi dje mes Luizit dhe Kristit, ku në një farë mënyre ishte i përfshirë edhe emri i saj. Kristi i përmendi dje Luizit faktin se ai e ka bërë atë koment për Kiarën rreth dy muaj më parë dhe se nuk i beson se arsyja pse e ka nxjerrë në nominim është kjo. Nga ana tjetër, Luizi këmbënguli se vendimi i tij për të futur Kristin në tualet, rrjedhimisht për ta nominuar, erdhi pikërisht prej Kiarës.
Kiara, madje është parë edhe në shoqërinë e Kristit dhe i ka qëndruar pranë. Kjo nuk ka kaluar pa u vënë re nga syri vigjilent i publikut që e ndjek moderatoren dhe menjëherë kanë nisur komentet.
