Personazhe të njohur publik janë infektuar me Covid-19 gjatë kësaj kohe dhe pjesa më e madhe e tyre kanë preferuar ta bëjnë lajmin publik sapo kanë marrë përgjigjen e testit. Ndërkohë Kiara Tito ka bërë të kundërtën, duke mos i shqetësuar aspak fansat e saj. Moderatorja e ka kaluar koronavirusin dhe këtë gjë e ka zbuluar ditën e sotme.
Ajo ka ndarë në Instagram një foto të saj, në të cilën shihet në formë perfekte si gjithmonë.
“Përshëndetje unë u riktheva! Corona la bisedën”, ka shkruar Kiara dhe më pas në komente ka zbuluar se e ka kaluar koronavirusin.
View this post on Instagram
Moderatorja ka zgjedhur që këtë situatë ta kalojë në heshtje dhe asnjë nga ndjekësit e saj në rrjete sociale nuk e ka kuptuar këtë gjë. Ajo ka qenë aktive për të mos e bërë publik lajmin e infektimit. Ndërkohë kujtojmë se personazhe të tjerë të njohur kanë kaluar Covid-19, ku mund të përmendim Florjan Binaj, Orgesa Zaimi, Eneda Tarifa, Fjodora Fjora, Monika Lubonja, Mariana Kondi etj.
