Kiara Tito ka nisur punën për emisionin ‘Kepi i Tundimeve’. Së bashku me ekipin e saj, ajo ka udhëtuar drejt Stambollit për të nisur punën.
Mirëpo, bashkë me stafin, në fluturim ka qenë edhe këngëtari Luiz Ejlli. ‘Vip Magazin’ shkruan se Luizi do të jetë i pranishëm për pak kohë me Kiarën në Turqi, e më pas do fluturojë drejt Shteteve të Bashkuara të Amerikës ku do të mbajë një tur disa ditor.
Çifti janë fotografuar nga fansat së bashku në aeroportin e Rinasit pak para nisjes së fluturimit. Nga ana tjetër, autorja e programit, Olsa Muhameti ka postuar momente në avion, ku duket se pas saj qëndrojnë çifti Luiz-Kiara.
Kujtojmë se kjo periudhë është shumë e ngjeshur për çiftin më të përfolur të momentit, pasi Luizi ka nisur koncertet dhe Kiara ka xhirimet e emisionit.
