Pas skandalit të bujshëm të tradhtisë së bashkëshortit të Khloe Kardashian me shoqen e ngushtë të Kylie Jenner, kanë dalë disa detaje të reja në dritë që e rëndojnë edhe më tej situatën.
Pak orë më parë u raportua se Tristian Thompson e ka tradhtuar Khloe-n me shoqen e Kylie-s, Jordyn Woods në festën e organizuar në shtëpinë e Tristian në LA.
Kjo është cilësuar si një pabesi e madhe për faktin se ka qenë Khloe Kardashian ajo e cila e ka ndihmuar Jordyn Woods të ndërtonte një karrierë të suksesshme në modeling duke reklamuar xhinset e markës “Good American”.
21-vjeçarja ka profilin e saj personal në faqen e “Good American”, me misionin për të fuqizuar femrat që janë të bëshme për të krijuar vetëbesim te format e trupit të tyre.
Marrëdhënia mes Jordyn dhe Khloe ka qenë gjithnjë e mirë, madje Khloe festoi ditëlindjen e Woods duke publikuar një foto nga festimet e shtatorit, ku shkruante “Të dua”.
Karriera e Jordyn ka ecur edhe falë bashkëpunimit me markën Yeezy të Kanye West ku në disa foto Jordyn shfaqej e veshur si Kim kardashian.
Familja Kardashian i ka qëndruar gjithnjë pranë Jordyn, dhe këto lajme për tradhtinë nuk janë pritur aspak mirë nga fansat e Khloe-s e aq më tepër nga vetë Kylie.
