Deklarata e ish- partneres së Tristan Thompson se ai kishte nisur lidhjen me Khloe Kardashian ndërkohë që priste një fëmijë me të, e vuri Khloe-n në shënjestër të opinionit publik (lexo këtu).
Pak më parë, Khloe reagoi në Instagram përmes disa postimeve në Instastory, ku shprehet se në asnjë moment nuk ka patur për qëllim ta ndajë Tristan-in nga mamaja e djalit të tij dhe se ai e kishte bindur e çdo mënyrë se nuk ishte më në lidhje me të.
“Jam e zhgënjyer që më duhet ta postoj këtë por… Më duhet ta them të vërtetën. Merreni si të doni”, e nisi Khloe.
“E vërteta ime është se: E takova Tristan-in sepse AI VENDOSI të dalë në një takim me mua pa u parë më parë. Një mik i përbashkët na prezantoi. Pas disa takimeve, Tristan më tha se kishte një ish, e cila ishte shtatzënë. Sigurisht, pas kësaj kisha dyshime nëse duhej ta vazhdoja njohjen.”
Kardashian u shpreh se Thompson, bëri çmos që t’ia mbushte mendjen se ishte single kur u takuan.
“Më vuri të flisja me njerëzit e tij më të afërt”, shpjegoi ajo, “më tregoi prova fizike (shkëmbime mes të dyve) dhe më lidhi në telefon me avokatët e tij për të provuar se kishte të drejtë. Miqtë e tij më të ngushtë, partnerët në sipërmarrje dhe madje edhe mamaja e tij më thanë se Tristan dhe ish-i i tij ishin ndarë para se ne të takoheshim.”
“Kjo është e vërteta ime. E vërteta që kam besuar unë. Nëse për ndonjë arsye kjo nuk është e vërteta faktike, do më vinte tmerrësisht shumë keq nëse Tristan dhe miqtë e tij të afërt do të gënjenin për diçka të tillë.”
