Khloe Kardashian dha intervistën e saj të parë si një mami në pritje për “Ellen DeGeneres”. Ajo u shfaq me një fustan të bardhë, të ngushtë që i nxirrte në pah format e saj.
Khloe e konfirmoi lajmin e saj të shtatzënisë një muaj më parë me anë të një postimi të ndjerë në “Instagram”, ku falënderonte në mënyrë të veçantë partnerin e saj, Tristan Thompson.
Ylli Kardashian tha se po e përjetonte me shumë emocion pritjen e saj të ëmbël, por kanë filluar edhe vështirësitë e para.
“Është e vështirë për mua të marr frymë tani, por përveç kësaj, jam shumë mirë”, tha Khloe e cila pranoi se po ndjente probleme me frymëmarrjen nga ecja që bëri drejt skenës.
59-vjeçarja Ellen vuri në dukje veshjen e saj të shkurtër, që nuk ngjante me ato që veshin nënat shtatzënë dhe nuk nguroi ta pyeste për stilin e saj të veçantë të veshjes.
“Unë jam duke u përpjekur të mos vesh rroba të gjera për gra shtatzëna sa më shumë që të jetë e mundur”, tha Khloe.
Gjithashtu ajo foli edhe për gjininë e bebit. Khloe tha se ende nuk e dinte gjininë e bebit, por nëse do të jetë djalë do ta ketë emrin Tristan Thompson Jr. Ndërsa nëse do të jetë vajzë, Klohe tha se nuk e ka idenë se si do t’ia vendosë emrin, por është e sigurt që do të fillojë me shkronjën K ose T.
Khloe tha se e bëri njoftimin e saj të shtatzënisë në “Instagram” sepse donte të shkruante diçka të sinqertë.
“Doja ta bëja në kohën time dhe kur të ndihesha rehat për ta bërë këtë”, tha ajo.
Khloe tregoi se Tristan, i cili ka edhe një vajzë 1-vjeçare me ish- të dashurën, është treguar super mbrojtës gjatë shtatzënisë së saj.
Ellen e pyeti Khloe-n nëse kishte në plan të martohej me Tristan, por përgjigjja e saj ishte e qartë.
“ Unë nuk jam me nxitim për asnjë nga këto. Siç, e dini unë kam nxituar në mjaft gjëra më parë”, tha Khloe, e cila u martua më ish-burrin Lamar Odom në 2009-ën vetëm një muaj pasi u takua.
Burimi: Daily Mail
